Sunday, October 05, 2008

辭職去旅行!?


Copacabana, originally uploaded by Tak from HK.

香港打工仔一年有幾多日大假,相信大家都清楚,而現實情況是即使你有假期在手,要放兩個星期連續的大假,也要解釋解釋,要麼結婚蜜月,如果唔係,老板就以為你無事做,點解可以放成兩個星期假,重問你手上工作怎樣安排!

咁有冇可能去一個月旅行呢!?如果你是以下我很羨慕的人仕,就可以不用那麼煩惱。

中小學教書老師
舊制公務員
剛畢業但又有錢

但是,如果你不是以上人仕,又想去長程旅行(至少一個月啦!)可以點呢?辭職!

辭職!但係唔好心急,計下數先。

辭職去旅行,先要考慮回來可以可以容不容易搵工。遇到現在經濟危機,當然要小心小心,但即使你計劃旅行時歌舞昇平,回港可能是三五六月往後的事情,到時可能又有不一樣的情況。當然,在旅途中遇到的朋友,有些公司安排停薪留職,回國後,他們還可以返回自己的崗位工作。但在香港,可能就困難一點啦!

另外,又有所謂機會成本,即是你打算去三個月旅行,就算你回港後立即有工開,你計算的成本又不應單單只是旅費開支,另外再加上三個月少收的薪金,因為如果你沒有辭職,三個月糧就袋袋平安。計一計,去一年旅行原來都幾重皮!還有,如果你無去旅行,分分鐘重會升職加薪,那樣就更加大犧牲呀!

計吓計吓,點解要去長程旅行呢?係呢,點解要去?